आज इंजिनिअर दिवस..

इंजिनिअर दिवसा निमीत्त सर्व इंजिनिअर्सना व इंजिनिअर्सच्या संशोधनांमुळे व परिश्रमांनी म्हणजे थोडक्यात कृपेमुळेच आरामात जगत असलेल्या जगातील सर्वांनाच खुप खुप शुभेच्छा..

आजच्या दिवशी आठवण येतेय ती स्वराज्यातील बांधकाम इंजिनिअर मा.श्री. हिरोजी इंदळकर यांची. मा.श्री. हिरोजी इंदळकर हे छत्रपती शिवरायांनी शोधुन काढलेल्या अनेक हि-यांपैकी एक महत्वाचा व स्वराज्यनिष्ठ हिरा..

मा.श्री. हिरोजी इंदळकर हे छत्रपती शिवरायांचे स्थापत्त तज्ञ यांनी शेकडो गडकिल्ले, वाडे, गढ्या इ. बांधले व डागडुजी केली पण त्यांचे सर्वात मोठे व महत्वाचे काम म्हणजे स्वराज्याची राजधानी गडकिल्ल्यांचा राजा " किल्ले रायगड " ची बांधणी. या कामात एकवेळ पैसे कमी पडले तर मा.श्री. हिरोजी इंदळकर यांनी स्वत:चा राहता वाडा व शेतजमीन विकली व पैसा उभा केला व स्वत: कुटुंबासह रायगडाशेजारीच झोपडी घालुन राहिले. छत्रपती शिवरायांना हा त्याग कळाल्यास त्यांनी मा.श्री. हिरोजी इंदळकर यांना पाहिजे ते मागन्यास सांगीतले तर मा.श्री. हिरोजी इंदळकर यांनी श्री जगदीश्वराच्या एका पायरीवर नाव कोरायची परवानगी मागीतली जेनेकरुन छत्रपती शिवरायांची चरणधुळ कायम मस्तकी धरता यावी. धन्य धन्य ते मा.श्री. हिरोजी इंदळकर अन धन्य धन्य ती त्यांची स्वराज्य व स्वामी निष्ठा..

आजही किल्ले रायगड पाहताना डोके गरगरुन जाते, डोळे उघडे ते उघडेच राहतात, बुद्धी काम करत नाही. वाटते एवढा मोठा अवाका असलेला, अगदी बांधकामांचा नियमात बसवलेला, बलाढ्यपनात तसुभरही कमी नसलेला, विज्ञानाचा पुरेपुर वापर केलेला अन महत्वाच म्हणजे घनदाट अरण्यात व एवढ्या उंचीवर बांधला कसा असेल अन बांधायची कल्पना तर कशी सुचली असेल छत्रपती शिवरायांना अन मा.श्री. हिरोजी इंदळकर यांनी छत्रपती शिवरायांची हि कल्पना प्रत्यक्षात तरी कशी उतरवली असेल..

धन्य धन्य ते छत्रपती शिवराय..
धन्य धन्य ते त्यांचे रणवीर स्वामीनिष्ठ मावळे..