संभाजीनगर
येथील वेरुळयेथे असलेले कैलास मंदिर तीन मजली लेणे म्हणूनही ओळखले जाते. हे मंदिर सुमारे आठ मीटर उंचच्या जोत्यावर उभे आहे. कैलास दिराच्या चोहुकडे शिल्पे कोरलेली आढळतात. गोपूरच्या दोन्ही भिंतींतर पौराणिक दृष्ये आढळतात. इ.स. 758 च्या सुमारास येथील मंदिराचे बांधकाम सुरु झाले होते.येथील लेणे हे मुख्यत्वेकरुन शिवाचे आहे. या मंदिराचे तीन भाग आहेत. गोपुरम, नंदिमंडप आणि मुख्य देवालय. या मंदिराचे बांधकाम हे निपूण वास्तुतज्ञांवर सोपविले होते. हे मंदिर राष्ट्रकुट राजाच्या काळात बांधले गेले.मंदिराच्या पाठीमागे एका प्रसंगाचे वर्णन केलेले आहे. भगवान शिवाच्या प्रसन्नतेसाठी रावणाने खुप जप केले. पण ते काही प्रसन्न होत नव्हते. तेव्हा रावणाने विचार केला की पुर्ण कैलासच लंकेत उश्पलुन न्यावा. त्यासाठी त्याने आपल्या सर्व हातांनी जोर लावून कैलास उचलण्यासाठी प्रयत्न केले. सर्व कैलास हलु लागले. ते स्थिर करण्यासाठी भगवान शिवांनी फक्त आपल्या पायाच्या अंगठयाने दाब दिला. यावरुन या ठिकाणाला कैलास मंदिर हे नाव पडले असे सांगण्यात येते.
No comments:
Post a Comment